Nakurat ang publiko sa usa ka dili kasagaran ug kontrobersyal nga paagi sa paghatag sa giingong katapusang child support sa usa ka lalaki. Imbis nga mogamit og normal nga transaksiyon, miadto siya sa balay sa iyang kanhing asawa ug gibubo ang 80,000 ka sensilyo gikan sa likod sa iyang awto, nga mikatag sa tugkaran ug driveway sa balay.
Ang maong kantidad, klarong gituyo aron pakaulawan ang iyang kanhing pamilya. Nasaksihan kini sa iyang 18-anyos nga anak nga babaye, si Avery, apan bisan pa sa kalit nga panghitabo, wala siya masuko o nakiglalis.
Sa baylo, uban sa iyang inahan, hilom silang mikuha og mga pala ug baldi ug naggahin og daghang oras sa pagpundok ug paghipos sa matag sentimo nga nagkatag sa ilang atubangan. Human maihap ang tanang kwarta, wala nila gamita bisan usa niini alang sa ilang kaugalingon. Sa baylo, ilang gido-nar ang tibuok kantidad sa Safe Harbor, usa ka lokal nga shelter nga naghatag og tabang ug proteksiyon sa mga biktima sa domestic abuse.
Misikat sa social media ang video sa stunt sa amahan, apan ang mas dako ug positibong istorya mao ang matinahuron ug malinaw nga reaksyon ni Avery ug sa iyang inahan, nga nagpakita sa pagkamaayo bisan sa usa ka makapaikag ug makalibog nga sitwasyon.
Photo Courtesy: KNOWLEDGE FACTORY
