Nagpahimangno ang Department of Trade and Industry (DTI), nga Ilawom sa Presidential Decree No. 1572 nga giusab sa Republic Act No. 7394 o Consumer Act of the Philippines, nga walay bisan kinsa nga mamahimong mag-operate og repair ug service shop o magtrabaho isip technician kung wala kini ma-accredit sa DTI.
Ang accreditation sa mga repair ug service shop ug sa ilang mga technician nagatumong nga mapanalipdan ang mga konsumante nga naggamit sa ilang serbisyo.
Sumala pa nagpasabot kini nga ang mga shop adunay sakto nga mga kagamitan, pasilidad, ug ang mga technician nga adunay igong kahibalo ug kahanas sa ilang trabaho.
Nunot niini ang tanang Service ug Repair Shops kinahanglan mosumite sa mga gikinahanglan nga dokumento sa pinakaduol nga DTI Office.
Ang Application Form makita pinaagi sa QR Code ug alang sa dugang nga mga pangutana, nag-awhag ang buhatan nga ikontak ang DTI-Davao del Norte Provincial Office ug mamahimong magbilin lamang og mensahe sa ilang facebook page sa DTI Davao del Norte.
