Nangayo ug tabang si Pangulong Ferdinand “Bongbong” Marcos Jr., sa bag-ong heneral sa Armed Forces of the Philippines (AFP), sa pagbantay sa kwarta sa nasud.
Sa iyang pamahayag human napanumpa ang 37 ka bag-ong napromote nga Heneral sa Malacañang, gibutyag sa Pangulo nga dili lamang proteksyon sa nasud ang dapat bantayan, lakip na usab ang pondo sa nasud.
Gihisgutan sa Pangulo ang gipirmahang 2026 national budget, diin apil niini ang pondo nga gitagana para sa modernisasyon sa Hukbong Sandatahan ug ang dugang sa base pay, ingon man gitaasan ang subsistence allowance sa mga sundalo.
Dugang usab sa Presidente nga usa ang AFP sa masaligan nga tigpanalipod ug tigpasiugda sa pagbantay sa kwarta sa katawhan, ug sa pagsiguro nga ang matag piso mapadulong sa husto nga gigamit niini, nga may integridad ug makadugang sa kapasidad ug kaandam sa Hukbong Sandatahan.
Photo Courtesy: Armed Forces of the Philippines
