Gikan sa usa rubber tapper sa kabukiran, miabot na sa kinatas-an nga kalampusan nga taga Magpet, North Cotabato nga si Elias, human siya nahimong guest sa programang ToniTalks.
Sa usa ka social media post ni Abegail, iyang gipaambit ang hulagway ug balita sa paggawas ni Elias sa maong talk show.
Sumala niya, kinasing-kasing niyang gipasalamatan ang tanang taong mitabang ug misuporta aron makab-ot ni Elias ang iyang pangandoy, ilabi na sa iyang banda ug mga fans.
Gipaambit usab ni Abegail, nga sa pagsugod pa lang nila sa vlogging, pangandoy na ni Elias nga mahimong guest sa programa ni Toni Gonzaga.
Samtang naka-line up na ang concert ang Elias J. TV Band sa Dubai, kasamtangang busy ang grupo sa nagkalain-laing tapings ug guesting sa mga programa sa ABS-CBN.
Nakit-an usab nga nakig-uban si Elias ug ang iyang banda sa pipila ka iladong personalidad sama nila Vice Ganda, Gerald Anderson, Darren Espanto, Alex Gonzaga ug si Governor Chavit Singson.
Gikan sa simpleng kinabuhi sa kabukiran isip usa ka rubber tapper, si Elias us ana sa iladong personalidad sa musika ug entertainment.
Photo Courtesy: Showbiz sawsawera
