Miduyog sa pag harvest ang RRP South Cotabato Staff sa DSWD XII, uban sa Office of the Municipal Agriculturist (OMAG) T’boli nga gipinangulohan ni Mr. Joan Lance Solidanio, Fishery Coordinator, Barangay Local Government Unit (BLGU), ug Allah Valley Landscape Development Alliance (AVLDA) sa Purok Dala, Brgy. Lamsalome, T’boli, South Cotabato.
Base sa report gikan sa RRP South Cotabato sa bulan sa Disyembre tuig 2025 mokabat sa 203.20 ka kilo nga tilapia ang malampusong naani sa mga benipisyaryo nga dunay kinatibuk-ang kantidad nga ₱26,416, lakip usab sa naharvest ang 28 kilo sa nagkadaiyang utanon sa Lamsalome Farmers Association.
Kini nga ani nagpamatuod sa kakugi, kooperasyon, ug dedikasyon sa mga benepisyaryo ug partner nga ahensya sa pagpalambo sa ilang panginabuhian.
Gipakita usab niini nga pinaagi sa kolektibong aksyon ug hustong pagdumala sa natural nga kahinguhaan, mapalig-on ang lokal nga produksiyon sa seguridad sa pagkaon sa komunidad.
