Gikataho sa mga tigbalita nga mokabat na sa 40 ka mga tawo nga gilangkuban sa mga sibilyan ug mga miyembro sa armadong kusog ang namatay human sa giingong airstrike sa Estados Unidos sa Venezuela niadtong Sabado, Enero 3, 2026.
Sumala sa maong taho, nahitabo ang insidente samtang ang mga pwersa sa US nagpatuman ug operasyon nga gitumong ang pagdakop kang Nicolas Maduro kinsa Presidente sa Venezuela ug sa asawa niini diin ang duha anaa na karun sa kustodiya sa New York.
Kahibaloan nga miigo ang airstrike sa tulo ka andana sa apartment building sa mga sibilyan didto sa Catia La Mar nga usa ka siyudad sa kasadpan sa kaulohan. Ang maong pag-atake miresulta sa pagkaguba sa mga bilding ug gikatahong adunay usa ka senior citizen nga babaye ang namatay ug adunay usa pa ka indibidwal ang naangol.
Matod pa sa Bise Presidente sa Venezuela nga si Delcy Rodriguez nga adunay mga sibilyan ug mga personahe sa militar nga naapil sa mga kaswalti, apan wala nila gibutyag ang kompletong ihap sa mga nasamdan.
Samtang gikataho usab sa mga media outlet sa Estados Unidos nga lakio sa naapektuhan sa maong operasyon mao ang mga baybayong mga estado sa Miranda, Aragua, ug La Guaira.
Sa laing bahin, gibutyag usab ni Donald Trump nga pipila ka mga personahe sa US ang naangol ug walay gikatahong namatay.
Photo Courtesy:Diskuro PH
