Gibutyag sa usa ka bana ang iyang kahadlok sa dagom ug dagkong operasyon, hinungdan nga dili siya andam mopailawom sa proseso sa pagdonar sa iyang atay ngadto sa iyang misis.
Kahibaloan nga miagi ang dagkong pagsulay sa magtiayon human nga nagdumili si mister nga modonar sa iyang atay human nga ang iyang misis nadayagnos ug talagsaong sakit sa atay.
Sumala sa mga doktor, kon walay transplant, usa na lamang ka tuig ang posibleng ikinabuhi sa pasyente. Tungod niini, nasayran nga ang bana lamang ang adunay kahigayonan o potensyal nga donor. Apan tungod sa pagdumili sa bana, miresulta kini sa emosyonal nga kasamok ug tensyon sa ilang relasyon.
Sa ulahi, usa ka brain-dead donor ang nakit-an ug malampuson nga nahimo ang liver transplant kang misis. Bisan pa man sa positibong resulta, nasayran ang bana diay nakaagi na ug mga minor nga operasyon ug mihimakak lamang sa iyang asawa nga nahadlok sa operasyon ug tungod niini mas misamot ang tensyon sa away sa magtiayon.
Kini nga panghitabo nagpahinumdom sa publiko nga bisan pa ug kinabuhi ang nakataya, ang pagdonar ug organ kinahanglan nga magpabiling boluntaryo ug dili ipamugos.
Photo Courtesy: New York Post
