Boluntaryong gitugyan sa usa ka tricycle driver ngadto sa Mati City Police Station ang usa ka unit sa cellphone nga iyang nakaplagan ug gituohang nawala pasado ala 1:50 sa hapon niadtong Enero 3, 2026.
Ubos sa pagpangulo ni PLTCOL Frederick C. Sa-ao, Acting Chief of Police, uban ni PSSg Francis Louie Luciano, Duty Desk Officer. Ang maong concerned citizen giilang si Ruberto Sumalinab kinsa maoy nakakita sa maong butang.
Base sa report ug matod na usab ni Sumalinab, nga ang maong cellphone gibilin sa wala mailhing indibidwal sa iyang sakyanan atol sa iyang pagpamasahero niadtong tungura. Tungod niini, wala na siya magduha duha pa nga iturn-over kini ngadto sa buhatan sa Mati CPS alang sa tukma nga disposisyon.
Samtang, gi-awhag usab ang maong tag-iya sa cellphone nga mahimong mudangop sa Mati City Police Station aron kuhaon ug kinahanglan lamang nga dalaon niini ang mga balidong identification card (ID) ug proof of ownership alang sa verification. Gidayeg sa kapulisan ang tinud-anay nga kahusayan ug sulondang pagkamatinud-anon ni Sumalinab.
Sa pikas bahin, gidasig usab ang publiko nga sundon kining maayong buhat aron daghan pa ang tawong mahimong matinud-anon.
Photo Courtesy:Mati CPS
