Grabe ang kulba nga nasinati ni Nikko Natividad human kalit nga gi-atake og seizure ang iyang usa ka tuig nga anak samtang nagbakasyon sila sa Japan.
Matod sa aktor, nisulirap ang mga mata sa bata ug nangluspad human kalit nga dili makaginhawa samtang nagkaon sila sa usa ka restaurant.
Tungod sa sitwasyon, nangaon sila sa dakong kalisang ug nagkalisod sa pagpangayo og tabang tungod kay dili sila masabtan sa mga lokal.
Maayo na lang kay dali nga nakaabot ang ambulansya ug natabangan ang bata. Sa pagkakaron, luwas na ug maayo ang kahimtang sa anak ni Natividad ug nibalik na kini sa pagdula.
Tungod sa nahitabo, nagpahimangno si Nikko sa uban pang mga ginikanan nga mag-amping, ilabi na karon nga nagkuyanap ang viral infection ug influenza sa Japan nga delikado para sa mga bata.
Nagpasalamat usab siya sa tanang nag-ampo ug nipahinumdom sa mga biyahero nga magmabinantayon aron malikayan ang susamang trahedya samtang anaa sa laing nasod.
Photo Courtesy: Nikko Natividad
