Hugtanong gipahinumdoman sa pamunoan sa Police Regional Office kun (PR0-9) ang tanang mga personnel niini batok sa indiscriminate firing samtang magselebrar sa bag-ong tuig sa Zamboanga Peninsula Region.
Sa interview sa Juander Radyo News Team kang Police Major Shellamie Chang, Chief Regional Public Information Officer, gibutyag niini nga ipatuman sa regional office ang one-strike policy nga kamanduan sa national headquarters sa bisan kinsa nga malambigit nga personnel nga magpabuto sa issued firearms sa pagsugat sa bag-ong tuig.
Gidugang pa ni Maj. Chang nga adunay direktiba ang mga PNP ground commanders nga sulbaron ang krimen sa ilang area of responsibility sulod sa 36 hours, ilabi na ang mahitabong indiscriminate firing.
Gipahimangnoan usab sa PNP PRO-9 ang tanang PNP commanders sa tibuok rehiyon nga ipadayon ang disiplina sa ilang hanay, tungod kay manubag usab sila sa aksyon sa ilang mga sakop kung adunay kalapasan nga mahimo.
