Dakpan ang usa ka indibidwal sa gikasang buy-bust operation sa mga otoridad didto sa Barangay Bobon, City of Mati, Davao Oriental niadtong nakalabay nga adlaw.
Ang operasyon gihimo sa mga personahe sa Mati City Police Station uban sa mga sakop sa Davao Oriental Police Provincial Office nga nagresulta sa pagkasikop ni alyas “Bryan”.
Nakuha gikan sa suspetsado ang gibana banaang 2 gramos nga gibug-aton sa gituohang shabu nga adunay standard drug price nga ₱13,600.00 ka pesos.
Ang mga nasakmit nga ebidensya gimarkahan ug giimbentaryo gilayon sa lugar sa nahitaboan uban sa mga testigo ug sa suspek mismo. Gipasabot usab siya sa rason sa iyang pagkasikop pinaagi sa pinulongan nga iyang nasabtan kini subay sa balaod.
Sa pagkakaron ang dinakpan gikustodiya na sa Mati City Police Station alang sa tukmang disposisyon ug mag atubang sa kasong paglapas sa Republic Act 9165 (Comprehensive Dangerous Drugs Act of 2002).
Kini nga operasyon nagpakita sa pasalig sa Mati CPS sa ilang pagpatuman sa balaod. Samtang gi-awhag usab ang publiko nga ireport dayun kanila ang mga kadudahang lihok sa lugar aron dali kini nga maaksyonan.
Courtesy to: Mati CPS
