Gipatuman sa mga dagkong mga establisyemento sa Pagadian City ang pagpatuman sa Suggested Retail Price (SRP) alang sa mga noche buena ug media noche products.
Matud ni Arni Grace Soro, Consumer Protection Division Chief sa DTI Zamboanga del Sur, siya miingon sa gihimo nilang monitoring sa dagkong mga tindahan walay silay nakitang pagsupak.
Basi sa gipagulang price guide, kinatibuk-ang 236 ka mga stock keeping units o nagkadaiyang klase sa mga produkto nga mahimong pilian sa mga consumer, diin 51 porsyento niini ang wala nakitaan ug pagtaas sa presyo kumpara sa nakalabayng tuig.
Nalakip sa nochebuena price guide nga may SRP nga gipatuman ang mga ham, fruit cocktail, queso de bola, pasta, macaroni, spaghetti sauce, tomato sauce, all-purpose cream, ug mayonnaise.
Alayon niini, gipahimangnuan ni Soro ang publiko nga magmatngon sa pagapaliton nga mga produkto ug kon may mamatikdan nga wala misunod sa ilang pagpatuman mahimo kini nga i-report diha sa ilang buhatan aron ilang ma-aksyunan.
