Magsugod na ang Department of Health (DOH) sa ilang inspeksyon ug monitoring sa mga pasyente isip kabahin sa ilang kampanya nga Ligtas Christmas.
Sumala sa DOH, ang mga inspeksyon sa ospital ug pag-monitor sa mga pasyente magsugod karong Lunes, Disyembre 22. Ang mga datos o numero kalabot sa mga isyu sa panglawas karong holiday i-report adlaw-adlaw sugod sa Disyembre 23, 2025 hangtod sa Enero 5, 2026.
Mga Kasong Pagatutokan:
- Mga pasyente nga gi-atake sa kasingkasing (heart attack), stroke, o asthma.
- Mga biktima sa aksidente sa dalan.
- Mga samad o injury tungod sa pabuto.
Dugang pa niini, gipahibalo sa ahensya nga ang Zero-Balance Billing magpabiling magamit alang sa mga pasyente nga dad-on sa mga ospital sa DOH atol sa holiday.
Una nang nagpahimangno ang DOH sa mga kabatan-onan nga likayan ang mga “bad habits” ug dasigon ang ilang pamilya sa pagbuhat og mas luwas nga paagi sa pagsaulog sa Pasko. Kini nga lakang gihimo tungod sa napanid-an nga pagsaka sa mga kaso sa holiday heart syndrome, aksidente sa dalan, ug mga nabiktiman sa pabuto sa tibuok nasod matag tapos sa tuig.
Photo courtesy: Department of Health
