Gikumpirma sa Benguet Police karong buntaga ang kamatayon ni kanhi Public Works Undersecretary nga si Catalina “Cathy” Cabral human sa giingong pagkahulog sa usa ka bahin sa Kennon Road sa Benguet.
Matod sa hepe sa Tuba Municipal Police Station, miingon nga ang doktor sa munisipyo nga si Dr. Gian Frances Salinas mideklarar nga patay na si Cabral alas 12:03 sa kaadlawon adlawng Biyernes. Nakit-an ang biktima sa daplin sa Bued River, pipila ka metros gikan sa highway.
Sumala ni Camsol, ang patayng lawas ni Cabral gibalhin na gikan sa lugar sa insidente ug andamon na nga dad-on sa usa ka punerarya. Miingon siya nga ang mga imbestigasyon nagpadayon pa aron mahibal-an ang eksaktong mga kahimtang ug hinungdan sa kamatayon sa kanhi opisyal sa Department of Public Works and Highways (DPWH).
Sa sayo pa, si Cabral gikataho nga nakit-an nga walay panimuot ug walay reaksyon, 20 ngadto sa 30 metros gikan sa dalan. Sumala sa pulis, mga alas 3:00 sa hapon sa Huwebes, ang biktima nagbiyahe uban sa iyang drayber paingon sa La Union sa dihang gipahunong ang sakyanan sa Maramal area sa Camp 5, Camp 4 sa Kennon Road, ug naghangyo nga ibilin didto.
Nibalik ang drayber mga alas 5:00 sa hapon apan wala niya makit-i si Cabral. Nangayo siyag tabang sa pulis mga alas 7:00 sa gabii human wala niya makit-i ang kanhi undersecretary.
Ang mga personahe gikan sa Baguio City Police Office nagpahigayon og search operation ug nakit-an si Cabral sa daplin sa Bued River, apan wala na siyay panimuot. Gihulagway sa mga awtoridad ang insidente nga usa ka “giingong pagkahulog.”
via: PEP
