Giaprobahan sa lokal nga pangagamhanan syudad sa Valencia ang Annual Budget alang sa Fiscal Year 2026 mokabat ₱2,725,500,000 nga igahin alang sa padayon nga paghatag og batakang serbisyo, malungtarong kalamboan, ug pagpalig-on sa komunidad atol sa usa ka ceremonial signing niadtong Disyembre 16, 2025.
Gipasalamatan ni Mayor Amie Galario ang Sangguniang Panlungsod sa pagpasar sa anual budget nga nagkinahanglan sa lawom ug saktong pagtuon para ang kwarta magamit sa insakto ug madapat sa mga proyekto alang sa katawhan
Sa kinatibuk-ang kantidad, ₱2,640,000,000 ang gialokar alang sa General Fund, samtang ₱85,500,000 ang para sa Economic Enterprise. Ang maong budget naggikan sa National Tax Allotment (NTA) nga mokabat og ₱2,137,760,991, lokal nga buhis nga ₱476,239,009.26, ug ₱26,000,000 gikan sa external sources sama sa PCSO ug bahin sa national wealth.
Naglangkob ang budget sa mga mandatory allocations, lakip na ang 20% Local Development Fund (LDF) nga mokabat og ₱427,552,199, nga igahin sa pagpondo sa mga development-oriented nga programa, proyekto, ug kalihokan nga mosuporta sa prayoridad nga development agenda sa siyudad, lakip ang inprastruktura, health ug social services, economic development initiatives, environmental management, ug uban pang mga proyekto nga gilatid sa Annual Investment Program (AIP) ug nahiuyon sa Comprehensive Development Plan (CDP) ug uban pa
Kini nga badyet nagpalig-on usab sa mga pamuhunan sa pagpalambo sa ekonomiya, agrikultura, ug mga programa sa panginabuhian, paghatag gahum sa mga mag-uuma, mamumuo, ug mga lokal nga negosyante, samtang gisiguro ang responsable nga pagdumala sa piskal ug transparency.
via: City Government of Valencia
