Gipahibalo sa Department of Agriculture (DA) nga hapit 1 milyon nga mga Pilipino ang nahimong benepisyaryo sa Benteng Bigas Meron na (BBM) Program sukad kini gilunsad lima ka bulan ang milabay.
Sumala ni DA Assistant Secretary for Agribusiness, Marketing and Consumer Affairs Atty. Genevieve Velicaria-Guevarra, base sa pinakabag-o nga report ug datos gikan sa ilang departamento, hapit 900,000 ka mga benepisyaryo ang nakabenepisyo niining programa ug inisyatibo sa kasamtangang administrasyon.
Nunot niini, ang iyang opisina nagtumong sa pag-modernize sa rehistrasyon alang sa programa aron masiguro nga ang mga gituyo nga benepisyaryo makakuha sa nahisgutang programa.
Sumala pa niya nga gilauman nga pinaagi sa modernisasyon sa rehistrasyon, kini makatabang sa mas paspas nga pagmonitor kung asa ug unsa ka subsob ang pagpalit sa mga target nga benepisyaryo og Php20 nga bugas.
Samtang, ang ahensya nagtumong gihapon sa paghatag og tabang sa labing menos 15 milyon nga mga pamilya ubos sa programa sa 2026.
Photo Courtesy to: The Pinoy OFW
