Gipahibalo sa Philippine Coast Guard (PCG) nga tulo ka mga mangingisdang Pilipino ang naangol human nga giatake sila sa China Coast Guard pinaagi sa pagpabuto ug mga water cannon aron lamang nga papahawaon gikan sa Escoda (Sabina) Shoal sa West Philippine Sea.
Matod sa tigpamaba sa PCG sa West Philippine Sea Commodore nga si Jay Tarriela nga ang mokabat sa lima ka mga barko sa China ang nakita sa Weast Philippine Sea nga milungtad sa tulo ka oras nga pagpaundo.
Dugang pa sa report nga 3 ka mga mananagat ang naangol kinsa nakaangkon ug samad bun-og sa lawas diin anaa sa duha ka mga bangka ang direktang naigo sa high pressure nga tubig gikan sa water cannon sa CCG vessel, apan ulahi nang nahibal-an sa medik sa PCG nga nakahiagom sila ug grabe nga mga samad.
Gibutyag usab ni Tarriela nga dili kini ang unang higayon nga ang mga mangingisdang Pilipino gipuntirya sa mga water cannon, apan kini ang unang higayon nga direktang naigo sa mga bangka.
Photo Courtesy to: Rappler
