Nagpagawas ang mga Houthi rebels sa Yemen niadtong Miyerkules og 11 ka mga marino nga ilang gipriso sukad bulan sa Hulyo sa ilang pag-atake sa barkong Eternity C didto sa Red Sea, usa ka pag-atake nga mipatay og upat ka tawo ug nakapalunod sa barko.
Ang mga Houthi, nga gisuportahan sa Iran ug nag-atake sa mga barko atol sa gubat sa Israel-Hamas, miingon pinaagi sa ilang al-Masirah satellite news channel nga ang Oman ang midawat sa kustodiya sa mga marino, kinsa mibiyahe paingon sa sultanate.
Usa ka Royal Oman Air Force jet ang mitugpa sayo niadtong Miyerkules sa Sanaa, ang kaulohan sa Yemen nga gihuptan sa mga rebelde sulod sa kapin usa ka dekada, sumala sa flight-tracking data nga gisusi sa The Associated Press. Human sa pahibalo sa Houthi, gisundan ang paggawas sa eroplano sa Yemeni airspace.
Sa ulahi, ang Oman nagmantala og mga hulagway sa mga lalaki nga gipang abi-abi pag-abot sa Muscat, ang kaulohan sa sultanate, sa mga Filipino ug Indian nga diplomats.
Photo courtesy: Omani Foreign Ministry
