Gikompirmar sa Department of Public Works and Highways (DPWH) ang pagtangtang sa duha ka opisyal nga giingong adunay koneksiyon sa mga kontraktor. Kini nga mga opisyal mao ang mga appointee nga gisulod sa ahensya pinaagi sa kanhing Undersecretary Arrey Perez.
Sunod kini human ipahibalo ni Batangas Rep. Leandro Leviste nga ang usa ka assistant secretary ug usa ka Director IV nga gidala ni Perez gitangtang na sa DPWH. Matod ni Leviste, adunay daghang appointee sa ahensya nga adunay personal o negosyo nga koneksiyon sa mga kontraktor sa mga proyekto sa DPWH.
Niadtong Oktubre, si Perez mitugyan sa iyang irrevocable resignation human siya masangkot sa isyu sa flood control contractors. Sumala sa DPWH, ang iyang pagbiya naghatag og higayon nga mapadayon ang imbestigasyon ug aron malikayan ang kalibog o disrupsyon sulod sa departamento.
Gipasalamatan sa DPWH si Leviste sa iyang mga rekomendasyon sa pagpadagan og reporma sulod sa ahensya. Gipasabot usab sa departamento nga magpadayon sila sa pagtrabaho uban sa mga mambabalaod ug mga grupo nga nagtinguha sa transparency, accountability, ug paghatod sa imprastraktura ngadto sa mga lugar nga labing nagkinahanglan niini.
SOURCE: INQUIRER.NET
