Gilunsad sa Department of Agriculture–Davao Region (DA-11) ang Davao Region Agri-Aqua Fair 2025, sugod niadtong Disyembre 3 hangtod karong adlawa Disyembre 5, 2025, sa Abreeza Mall, Davao City.
Kini aron mapalig-on ang direkta nga koneksyon sa merkado ug matabangan ang mga lokal nga mag-uuma, kooperatiba, ug Micro, Small, and Medium Enterprises kon MSMEs nga mas maka-access og mga mamalitay, aron kini mas mapalig-on pa. Gipasiugdahan ug gi-organisar kini sa DA-11 pinaagi sa Agribusiness and Marketing Assistance Division (AMAD).
Tumong sa maong kalihokan nga maminusan ang daghang tunga sa value chain pinaagi sa paghatag og lugar alang sa mga prodyuser nga direkta nilang mapakita ug mabaligya ang ilang mga produktong agrikultura ug pangisdaan.
Pinaagi sa pagdugtong sa mga exhibitors ngadto sa institutional buyers, retailers, consolidators, ug distributors, gilauman nga mosaka ang kita sa mga mag-uuma, mapaayo ang kompetinsya sa ilang produkto, ug mapaayo ang access sa merkado sa tibuok rehiyon.
Photo courtesy to : AGRI INFO DAVAO
