Mipagawas og maayong balita gikan sa senado ang buhatan ni Davao del Norte 1st District Representative De Carlo Uy, sa nilabay nga adlaw December 3, 2025, human kini nakigkita kang Senate Majority Floor Leader Juan Miguel “Migz” Zubiri didto sa Senado aron makapangayo sa iyang suporta pinaagi sa pag-file og counterpart Senate Bills alang sa gi-proposed niini nga measures sa kongreso.
Tumong sa kongresista nga mag-dungan og lihok ang House ug Senate Bills, aron mas dako ang tsansa nga mahimo kining balaod. Mapasalamaton si Uy kang Senate Majority Leader Zubiri tungod gi-accommodate niini ang hangyo aron mapadayon ang mga importanteng lehislasyon alang sa distrito uno.
Mipadayag usab ang kongresista ngadto sa katawhan sa maong Distrito sanglit pinaagi sa makanunayong suporta ug pagkuyog kaniya alang sa Aktibong Representasyon sa kongreso, makasalig matod pa ang katawhan nga padayon kining maningkamot aron ipadayon ang tinuoray nga kalamboan para sa distrito nga gialagaran.
Photo courtesy to : SUNSTAR DAVAO
