Gipahibalo ni Palace Press Officer Claire Castro nga si Cassandra Li Ong anaa karon sa Pilipinas, diin siya nag-atubang ug kasong human trafficking sa korte sa Pasig. Kini ang gibutyag ni Castro atol sa usa ka briefing sa Palasyo nga nagkutlo sa impormasyon gikan sa Department of the Interior and Local Government (DILG).
Dugang pa ni Castro nga sila nangayo ug tubag kabahin kung asa si Ong ug gibutyag sa DILG base sa ilang records nga si Cassandra Ong anaa pa sa nasud. Kahibaloan nga gipangita si Ong tungod usa siya sa pugante nga adunay warrant of arrest.
Kabahin niini, gi-awhag usab ni Castro ang publiko nga mutabang sa pagpangita kay Cassandra Ong ug daling ireport ireport sa mga otoridad kung ugaling siya makit-an.
Sa pikas bahin, una ng gibutyag sa Presidential Anti-Organized Crime Commission (PAOCC) nga sa ulahing bahin sa Nobyembre nga ang pinakaulahing impormasyon sa nahimutangan ni Ong anaa sa Japan, apan wala usab record nga kini mibiya sa Pilipinas.
Sa kasamtangan ang Department of Justice (DOJ) nagtanyag ug Php1-million pesos nga reward alang sa makahatag ug lehitimong impormasyon sa nahimutangan ni Cassandra Ong.
Photo Courtesy to: Bilyonaryo News Channel
