Misalmot ang mga personahe sa 701st Infantry (Kagitingan) Brigade sa selebrasyon sa National Human Rights Consciousness Week (NHRCW) nga i-obserbar gikan sa Disyembre 4–10 ning tuiga nga adunay tema nga “Karapatang Pantao, Kasama sa Araw-Araw” kini atol sa gipahigayon nga flag-raising ceremony didto sa Headquarters 701Bde, Sitio Magay, Brgy. Don Martin Marundan, Mati City, Davao Oriental.
Ang aktibidad nagtumong ug nagpasiugda sa padayon nga suporta sa brigade alang sa pagpalambo sa kultura sa pagtahod sa tawhanong katungod sulod sa organisasyon ug sa mga komunidad nga gialagaran niini.
Samtang gipangunahan ni Brigade Executive Officer Colonel Emmanuel R Garcia ang recital sa Panata sa Karapatang Pantao diin nagpamatuod pag-usab sa pasalig sa kasundalohan.
Mihatag usab ug mensahe si BGEN Allan Jose L Taguba kinsa Brigade Commander nga nagpasiugda sa dedikasyon sa kasundalohan ug sa pagpanalipod sa pagtuboy sa tawhanong katungod sa tanang operasyon.
