Gipaniguro sa Malacañang nga lig-on suportado sa ebedensiya, ug mosangpot sa pagkabilanggo ang mga nalambigit sa flood control project anomaly. Sumala ni Presidential Communications Office Secretary Dave Gomez, ang pag-uswag sa kaso gipakusog aron mabawi ang nakawkaw nga pondo ug mapapanubag ang mga responsable.
Sumla pa niya nga kini aron ang mga nakalusot nga nahitabo sa pipila ka mga personalidad sa mga kaso sa PDAF dili na masubli. Gipaniguro ni Gomez nga si Presidente Ferdinand R. Marcos Jr. dili mohunong sa kampanya batok sa korapsyon nga iyang gisugdan ug gisaad nga tapuson.
Sa pagkakaron, adunay mga nangaging warrant of arrest batok kang kanhi Rep. Zaldy Co, samtang nagpadayon ang mas lapad nga imbestigasyon. Ang mga kaso gikan sa ICI ug DPWH anaa na usab sa katapusang mga yugto alang sa pagsang-at sa Ombudsman, busa gilauman nga daghang mga warrant ang ipagawas sa umaabot nga mga adlaw.
Photo Courtesy to: PCO
