Gipahibalo sa PHO–Davao de Oro atol sa Kapihan sa PIA sa 2nd Floor, NCCC, Nabunturan, Davao de Oro, nga ang HIV usa ka sakit nga walay klarong sintomas, busa lisod kini makita sa usa ka tawo ug normal ra tan-awon.
Gibutyag kini ni Abegail E. Antonio, Head sa Infectious Disease Cluster, PHO–Davao de Oro, nga ang HIV matakod pinaagi sa unprotected sex, pagdawat og dugo nga wala na-screen og tarong, ug gikan sa inahan ngadto sa bata sa panahon sa pagbuntis, pagpanganak, o pagpasuso.
Apan, karon gipahugtan na ang screening sa dugo alang sa mga blood transfusion. Sa pagkakaron, giklaro sa opisyal nga walay HIV treatment hub sa Davao de Oro.
Ang mga tawo nga na-screen ug reactive sa HIV gi-refer sa pinakaduol nga treatment hub sa Tagum City, diin aduna’y suporta ug programa para sa mga pasyente.
Photo Courtesy to: ALAB
