Gihimakak sa Embahada sa Ukraine sa Manila ang alegasyon sa Russia nga nag-recruit kini og mga Pilipino aron malakip sa mga sundalong Ukrainian batok sa Russia.
Sa usa ka pahayag, gisulti ni Russian Foreign Ministry spokesperson Maria Zakharova nga ang usa ka US-based security company nag-enlist og mga Filipino nationals para ipadala sa Ukraine. Sumala sa Russia, gisaad nga matag bulan makadawat ang mga Pilipino og US$5,000 o kapin Php293,000 ug pagabansayon pa sa mga American instructors.
Apan giklaro sa Ukraine Embassy nga kini usa ka “baseless fabrication” ug bahin lamang sa mas lapad nga “systematic disinformation campaign” sa Russia nga nagtinguha sa pagsamok sa Ukraine ug sa defense forces niini.
Gipasiugda sa embahada ang lig-on og dynamic nga bilateral relations sa taliwala sa Ukraine ug Pilipinas nga natukod pinaagi sa mutual respect, pagsalig, ug magkahiusa nga baroganan sa international law.
Photo Courtesy to: Daily tribune
