Gihangyo sa United Nations Human Rights Office ang tanang mga nasud nga maglunsad og imbestigasyon kalabot sa gihimong pag-atake sa Israel sa Lebanon.
Sumala sa UN High Commissioner for Human Rights, posible nga nakalapas ang Israel sa international humanitarian law, bisan human na mapirmahan ang ceasefire usa ka tuig na ang milabay.
Gipasabot sa UN ang pag-atake sa Israel sa Ein el-Hilweh refugee camp, diin 11 ka mga bata ang nalakip sa mga namatay.
Base sa datos sa UN, kapin 300 ka katawo na ang namatay sa Lebanon tungod sa mga pag-atake sa Israel sukad mapirmahan ang ceasefire niadtong Nobyembre 27, 2024.
Photo Courtesy to:LTC
