Hingusgan sa Philippine National Police (PNP) ang mga lakang kontra sa mga online scams ilabina nga nagkaduol na ang kapaskuhan. Matod ni Acting Chief PNP PLTGEN. Jose Melencio Nartatez Jr., miubos ang ihap sa mga mareport nga online scam karong tuiga.
Sa pinakaulahing datos sa PNP Anti-Cybercrime Group (ACG) niadtong 2024 anaa sa 7,081 cases ang natala sa ahensya. Samtang karong tuiga anaa sa 3, 941 ang natala nga mas ubos kon ikumpara sa nakalabayng tuig 2024.
Nagpahimangno ang PNP nga dili magpataka ug click sa kadudahang links nga sagad magtanyag ug maayong serbisyo.
Kinahanglan matod pa nga i-check ang mga mga spelling error o unusual URLs, ug dili mohatag ug mga personal ug financial information sa mga nasangpit nga scammer.
Photo Courtesy to:PNA
