Arestado ang usa ka opisyal sa barangay human kini nakuhaan sa ginadiling druga atol sa gikasang search warrant operation sa Purok Herbal Barangay Sicade, Kumalarang Zamboanga del Sur niadtong nakalabay nga adlaw.
Wala na pangalani sa PNP Kumalarang ang dinakpan nga 35-anyos, kasamtangang Barangay Kagawad.
Ang operasyon gipangunahan sa Kumalarang Municipal Police Station, kauban ang 902nd MC RMFB-9, bitbit ang search warrant nga gi-isyu sa Executive Judge, RTC 9th Judicial Region Pagadian City.
Nakuha gikan sa iyang dapit ang usa ka dakong putos sa gituohang shabu, ug laing duha ka mga gagmay’ng putos sa gituohang shabu, ug usa ka coin purse.
Sa karon ang tanan nga nakuhang ebidensya nga illegal drugs gidala na sa Zambonga del Sur Provincial Forensic Unit alang sa Quantitative ug Qualitative Examination.
Samtang ang dinakpan nakakustodiya na sa Kumalarang Municipal Police Station, ug nakatakdang mag-atubang sa kasong may kalapasan sa Republic Act 9165 Comprehensive Dangerous Dugs Act of 2002.
