Nagpadayon ang kompanya sa Globe nga nanguna sa mobile market, samtang nagtinguha usab sa broadband.
Ang Globe Telecom Inc., nga naglihok gikan sa telco ngadto sa teknolohiya, posibleng magtinguha sa umaabot nga mahimong lider sa broadband, apan nagpabilin nga kusog ang iyang posisyon sa mobile nga merkado pinaagi sa bag-ong mga pasilidad ug produkto.
Base sa pinakabag-ong financial report, nakab-ot sa Globe ang record nga Php25.2 bilyon nga kita gikan sa mobile data sa ikatulong kwarter, nga nadungagan sa pagdali sa paggamit sa 5G sa mga Pilipino. Napalapdan usab sa kompanya ang iyang subscriber base og lima ka porsyento, nga niabot sa 63.1 milyon, ang labing daghan sa industriya.
Gisugyot sa report nga 86 porsyento sa mobile revenue sa Globe naggikan sa data tungod mas daghang Pilipino ang nag-reload aron maka-access sa digital nga serbisyo. Busa, nagpadayon ang kompanya sa pagtukod og bag-ong network sa tibuok lugar aron masunod ang panginahanglan. Sa katapusan sa Septyembre, nahuman na sa Globe ang 1,375 ka bag-ong cellular builds ug 8,699 ka mobile site upgrades. Lakip usab ang 877 ka bag-ong 5G sites sa mga rehiyon ug mga dakbayan nga daghan ug traffic.
Ang coverage sa Globe 5G nakaabot sa 98.71 porsyento sa Metro Manila ug 98.31 porsyento sa mga dako nga siyudad sa probinsya, nga naghatag ug maayong posisyon sa kompanya aron maserbisyohan ang umaabot nga panginahanglan.
Sumala ni Globe President ug CEO Carl Raymond Cruz, magpabilin nga pundasyon ang mobile segment sa kompanya bisan pa man sa ilang plano nga magkigtigi sa broadband market.
Bag-ohay lang usab naglusad ang Globe og mga bag-ong produkto aron matubag ang mga panginahanglan sa data market. Lakip niini ang artificial intelligence (AI) programs sa data bundles ilalom sa Go Plus, ug ang design app nga Canva, nga mahimong ma-access sa mga subscriber sa Go Plus promo.
Gitinguha usab sa Globe nga mahimong lider sa broadband, nga naglantaw sa ikaduhang puwesto gikan sa Converge ICT Solutions Inc. sa dili pa magkigkomtensya sa PLDT Inc., ang kasamtangang lider.
Sa pagkakaron, nagsilbi ang Globe sa 2.1 milyon ka broadband subscribers, mas ubos sa 4.12 milyon sa PLDT ug 2.93 milyon sa Converge, apan nagpakita kini og kusog nga pagtubo pinaagi sa barato nga GFiber Prepaid nga produkto.
Photo courtesy to: Light Reading
