Mitumaw sa deliberasyon sa Senado bahin sa badyet sa Department of Education (DepEd) ang isyu mahitungod sa korapsyon sa Senior High School Voucher Program.
Matod ni Senador Risa Hontiveros, aduna matod pa liboan nga “ghost students” ang narehistro gikan 2021 hangtod 2024 ubos sa senior high school program didto sa Pangasinan, ug gihulga matod pa ang mga nagreklamo.
Gikumpirma ni Budget sponsor Senador Sherwin Gatchalian nga adunay nagpadayon nga imbestigasyon nga naglambigit niining mga eskuylahan.
“Ang DepEd mismo ang nakakita niining mga ghost students ug gihimoan gilayon og aksyon. Samtang adunay reklamo nga gipasaka batok sa pito (7) ka eskuylahan nga nalambigit sa “ghost students,” samtang ang 22 pa ang giimbestigahan.
Samtang adunay duha ka empleyado sa DepEd ang gireklamo kalabot niini. Kon mapamatud-an, ang 22 ka eskuylahan nga kasamtangang giimbestigahan mag-atubang og reklamo nga ipasaka sa DepEd karong tuiga.
Wala pa gipagawas ang listahan sa mga eskuylahan nga nalambigit tungod sa nagpadayon nga imbestigasyon.
Photo courtesy: TeachersPH
