Nagplano ang Malaysia nga pugngan ang paggamit sa social media sa ilang mga katawhan nga nag edad og 16-anyos paubos sugod sa sunod tuig.
Matod ni Communications Minister Fahmi Fadzil, gisusi nila ang mga mekanismo nga gamiton sa pagpatuman sa age restrictions (limitasyon sa edad), sama sa gigamit sa Australia ug ubang kanasuran, aron panalipdan ang mga kabatan-onan gikan sa cyberbullying, financial scams, ug child sexual abuse.
Naglaum sila nga sa sunod tuig, ang mga social media platforms motuman sa desisyon sa gobyerno nga babagan kadtong ubos sa edad nga 16 sa pag-abli og user accounts.
Nabalaka usab sila sa nagkadako nga epekto sa social media sa panglawas ug kaluwasan sa mga kabatan-onan.
Sa Australia, gikatakda nga i-deactivate na sa mga social media platforms ang mga account sa mga user niini nga 16 anyos paubos sa sunod buwan.
Gisulayan na usab sa France, Spain, Italy, Denmark ug Greece ang template alang sa age verification app.
Photo courtesy: AL Jazeera
