Dili pwede ma balhin ang mga budget sa line-item tungod kay illegal kini sa balaod. Kini ang pag pasabot ni Cong Lordan Suan, 1st District Rep sa CDO, human sa pasangil nga ang kongresista ang hinungdan nganong wala mahuman ang mega health center sa Macanhan, Carmen syudad sa Cagayan de Oro tungod gibalhin ang budget sa San Simon sa dakbayan.
Giklaro ni Cong Suan nga illegal sa balaod kung ibalhin ang mga budget sa line item susama sa Mega Health Center unta sa Carmen.
Dugang pa ni Suan nga naggahin na siya og budget alang sa San Simon aron maka serbisyo sa tao sa nahisgutang lugar.
Photo courtesy: Atty Lordan Suan/Facebook
