Gitutokan sa Dipolog City Police Station ubos sa pagpangulo ni PLTCOL. Kishna Asaali, Chief-of-Police, ang katawhan ug media outlets alang sa responsableng information sharing ug updates kalabot na sa taho nga naglambigit sa usa ka studyante sa usa sa mga sekondarya sa dakbayan sa Dipolog ug usa ka “habal habal” driver.
Gihangyo sa Dipolog CPS nga magmabinantayon sa pag post o pag-circulate og impormasyon kalabot sa naasoyng insidente nga naglambigit sa usa ka 16-anyos nga estudyante ug “habal habal” driver. Ang wala mapamatud-an nga mga post mahimong hinungdan sa wala kinahanglana nga alarma ug mahimong makadaot sa nagpadayon nga imbestigasyon.
Dugang pa nga prayoridad ang kaayuhan sa biktima og gikumpirmar nga anaa kini sa luwas ug nagpadayon ang proteksyon niini.
Nailhan na usab ang gitumbok nga suspect ug kasamtangang giimbestigahan ug gipasalig nga maghatag og update sa panahon nga ang kasaligan nga mga impormasyon andam na.
Gihangyo sa Dipolog CPS ang padayon nga kooperasyon ug pasensya sa publiko samtang nagpadayon ang imbestigasyon. Ang Dipolog City Police Station nagpabiling komitado sa pag-amping sa kaayohan sa mga bata, pagmintinar sa kahapsay sa publiko, ug pagsiguro nga masunod ang due process.
𝐏𝐡𝐨𝐭𝐨 𝐂𝐨𝐮𝐫𝐭𝐞𝐬𝐲: 𝐃𝐢𝐩𝐨𝐥𝐨𝐠 𝐂𝐏𝐒
