Unom ka oras nagbisikleta nga naka-wheelie ang usa ka 19 anyos, nga estudyante sa Pransya ang nakahimog kasaysayan ug opisyal nga giila human niya gipadagan ang atubangan sa iyang bisikleta.
Si Oscar Delaite, estudyante sa Université de Technologié de Troyes, nakakuha og bag-ong record para sa “Greatest Distance Covered While Performing a Continuous Bicycle Wheelie”.
Si Delaite nakaabot sa gilay-on nga 150.4 kilometros sulod sa 6 ka oras ug 31 ka minuto. Nahuman niya ang talagsaong hagit sa usa ka 200-metros nga indoor track sa Vittel, France, diin siya nakalibot og 752 ka beses nga wala modapat sa yuta ang atubangan nga ligid.
Gilabawan niya ang miaging rekord og kapin sa 70 kilometros. Sumala sa report, si Delaite migamit lang og commuter bike ug nagsul-ob og Nike high-tops imbes nga sapatos pangbisikleta. Bisan og daw sayon ra kini, giangkon niya nga kini usa ka tinuod nga pagsulay alang sa lawas.
Matod niya nga “Ang unang sakit nga iyang gibati mao ang iyang sampot. Gipasabot niya nga tungod kay giisa ang atubangan sa bisikleta, ang tanan niyang gibug-aton napugos sa pag-alsa sa saddle sulod sa dugay nga oras. Nikabat og usa ka semana una nawala ang kasakit. Sa dihang gipangutana nganong gibuhat niya kini, ang batan-on mitubag lang: “Kay lingaw man buhaton.”
Dili kini ang unang world record ni Delaite. Siya usab ang naghupot sa mga rekord alang sa pinakataas nga one-handed wheelie (2024) ug pinakataas nga continuous wheelie (2023).
Photo Courtesy to: The cycling week
