Nakurat ang mga residente sa Purok 7, Sitio Estabillo, Mawab, Davao de Oro human madiskobre ang usa ka patay’ng lawas sulod sa usa ka payag kagahapon sa hapon, Nobyembre 21, 2025.
Gilayon nga girespondihan sa Mawab Municipal Disaster Risk Reduction and Management Office (MDRRMO) ang maong insidente human madawat ang report gikan sa mga mulopyo.
Base sa inisyal nga imbestigasyon, usa ka lalaki ang nadungawan nga wala nay kinabuhi ug nagsugod na og pagkadugta sulod mismo sa iyang pinuy-anan. Sa pagkutlo ning balita Wala pa nailhi ang biktima samtang gipaninguha pa sa mga awtoridad nga makuha ang kompletong detalye kabahin niini.
Padayon karon ang imbestigasyon sa kapulisan aron masuta ang tukmang hinungdan sa kamatayon og kung aduna bay foul play nga nalambigit sa insidente.
Photo courtesy to:Mawab MPS
