Gikabiliban karon sa tibuok kalibutan ang usa ka lalaki nga 42-anyos, nga amahan gikan sa Sweden ang nakahimo og talagsaon ug medyo sakit nga paagi aron mapabilib ang iyang mga anak: ang pagsulod og 81 ka palito sa posporo sulod mismo sa iyang ilong.
Tungod niini, opisyal nga nakuha ni Martin Ströby ang Guinness World Record para sa most matches held in the nose. Sumala kang Ströby, ang iyang mga anak mao’y nakapadasig kaniya aron makab-ot kini nga world record.
Malipayong nagtan-aw ug nagbasa ang iyang mga anak sa Guinness book ug miingon nga mahimong “cool” ang ilang amahan kon makabuhat usab siya og kaugalingong record.
Matod sa lalaki “Sa sinugdanan, abi nako walay bisan unsang talento nga makapahimong ‘best in the world’ pero nadiskobrehan nako nga kaya diay nakong padak-on og maayo ang lungag sa akong ilong ug antuson ang kasakit.
Iyang giangkon nga nanginahanglan siya og grabe nga praktis ug hustong teknik kay sa sinugdan, nangatagak ra ang mga palito nga isulod sa iyang ilong.
Sa katapusan, malampuson niyang nasulod ang 81 ka palito nga dungan mas taas kaysa daang record nga 68 ka palito.
Dugang pa niya “Isip usa ka amahan, gusto ko nga tan-awon ko sa akong mga anak sa parehas nga pagtahod nga akong gihatag sa akong kaugalingong amahan.
Photo Courtesy :Philstar News
