Gipalihok sa Iligan City Jail–Male Dormitory ang usa ka Green Ecohub kauban ang Mindanao State University–Iligan Institute of Technology (MSU-IIT), diin ang mga pader sa prisohan nahimong lugar sa sustainable urban agriculture.
Kabahin kini sa Phase II sa Behind the Bars Project, nga naghiusa sa hydroponics, organic composting, ug waste management aron mapalambo ang rehabilitasyon, pagka self-sufficient, ug environmental awareness alang sa mga Persons Deprived of Liberty (PDLs).
Matod ni Iligan City Jail–Male Dormitory -Warden JCINSP Carmelo A. Corsame, nga ang proyekto nagpakita nga mahimo usab nga green ang rehabilitasyon.
Gidugang usab ni JINSP Krizza Jane C. Bermudo, Warden sa Iligan City Jail–Female Dormitory, giingon nga “Ang Green Ecohub usa ka simbolo sa paglaum ug pagbag-o. Alang sa mga babayeng PDL, diin ang pag-atiman sa tanom sama usab sa pag-atiman sa ilang kaugmaon ug pinaagi niini, nakakat-on sila og mga kahanas, nakasabot sa sustainability, ug nasayran nga posible ang paglambo bisan pa sa prisohan.
Ang programa nagtinguha usab nga mapalambo ang food security sa BJMP facilities, makahatag og livelihood ug technical training sa PDLs, ug mapalig-on ang academic-community partnerships.
Sumala ni Prof. Karl C. Ondoy, Project Team Leader gikan sa MSU-IIT, gibutyag nga “Ang MSU-IIT’’ naghatag og technical expertise, research, ug training, samtang ang BJMP naghatag sa greenhouse facilities, operational support, ug pagsiguro sa padayon nga operasyon sa ecohub.
Ang panan-aw sa proyekto mao ang pagtukod og sustainable, replicable, ug self-sufficient agriculture hub sa sulod sa BJMP Iligan City, samtang ang misyon niini mao ang pagsagol sa green technologies ug rehabilitation programs/ pinaagi sa lig-on nga kolaborasyon sa institusyon.
