Nagpadayag og hugot nga suporta ang Federation of Philippine Industries (FPI) sa gipahigayon nga bag-ong re-shuffle sa gabinete sa administrasyon ni Pangulong Ferdinand Marcos Jr.
Kini nga pahayag human sa pagkanaog sa pipila ka taas nga opisyal sa Palasyo nga gialegahan nga nalambigit sa anomalya sa flood control projects.
Gahapon, nanumpa na usab sa ilang bag-ong posisyon si Executive Secretary Ralph Recto ug Finance Secretary Frederick Go.
Sumala sa FPI, ilang pagsuporta tuyo aron mapalig-on ang koordinasyon tali sa mga ahensya sa gobyerno og mapadayon ang pag-usbaw sa ekonomiya sa nasud.
Gibutyag sa grupo nga timely ang pagbalhin ug pag-ilis sa mga opisyal ilabi na karon nga kritikal ang panahon sa pagpadagan sa ekonomiya.
Gipasabot usab sa FPI nga magpadayon sila sa walay puas nga pakig-koordinar sa nag-unang ahensya sa gobyerno aron masiguro ang momentum sa economic growth sa Pilipinas.
Photo courtesy to: Manila Standard
