Gipahigayon ang pag apod-apod sa mga inputs sa uma sa Barangay Desawo, T’boli South Cotabato isip pagsuporta sa Farmers’ Field School (FFS) graduation sa Organic Coffee Production and Nursery Management, nga nakabenepisyo sa kinatibuk-ang 45 ka mga farmer graduates.
Diin ang mga inputs nga gipang apod-apod naglakip sa 45 ka botelya sa Treelizer, 24 ka botelya sa Quantum Biofert, ug 21 ka botelya sa Power Bones, ang tanan gimugna sa pagdasig sa mga mag-uuma sa pagsagop sa organic farming practices ug sa pagsuporta sa pagtukod sa ilang coffee nursery ug farms.
Kini nga mga organikong abono gihatag pinaagi sa Office of the Provincial Agriculturist ubos sa Provincial Organic Program niini, uban ang dugang suporta gikan sa DA–RFO XII, ug sa mga partner nga ahensya.
Ang kalihokan gipasiugdahan ni Municipal Agriculturist Engr. Barry Lugan, Committee on Agriculture, Konseho sa BLGU kinsa ang tanan mipadayag sa ilang padayon nga suporta ug pagdasig sa mga mag-uuma sa kape.
Ang ilang presensya nagdala og inspirasyon ug pagdasig sa mga dedikado nga mga mag-uuma sa kape samtang nagpadayon sa malungtaron ug organikong produksyon.
Photo courtesy to: Office of the Provincial Agriculturist-South Cotabato
