Gikumpirma sa mga otoridad nga unom ka mga indibidwal ang nakabsan sa ilang kinabuhi ug usa ang naangol human nasunog ang usa ka storage o establisyemento sa usa ka pahumot sa lalawigan sa Kocaeli, Istanbul, Turkey niadtong Sabado, Nobyembre 8.
Kahibaloan nga gibutyag sa mga media nga miulbo ang sunog pasado alas 9:00 sa buntag sa susamang adlaw ug gikaingong nagsugod sa usa ka pagbuto. Gani, wala pa usab nasayran ang tukma nga rason sa maong insidente.
Tungod sa maong panghitabo, gipadala gilayon ang mga emergency team ug bombero sa lugar, ug nakontrolar ang kalayo sulod sa usa ka oras lamang.
Gikasubo usab sa gobernador sa lalawigan nga si Ilhami Aktas ang maong insidente ug miingon nga 6 ka namatay ug usa ang nasamdan kinsa anaa pa karon sa balay tambalanan nga padayong nagpaalim.
Samtang nagpadayon ang lawom nga imbestigasyon sa mga otoridad aron masayran ang tinuod nga hinungdan sa maong sunog.
Photo Courtesy to:Pamfleti
