Gipailawom sa random drug testing ang 222 ka mga personahe sa Davao Oriental Police Provincial Office sa pagpanguna ni PCOL Ritchie S Bucol Officer in Charge, diin ang kalihokan gihimo sa Davao Oriental Forensic Unit (DORFU) kagahapong adlawa, Lunes Nobyembre 10, 2025.
Ang kalihokan nahisubay sa internal cleansing program sa Philippine National Police aron sa pagpakita nga walay bisan kinsang personahe sa kapulisan ang nalambigit sa illegal nga drogas.
Gani, kini sa padayon nga suporta sa lokal nga panggamhanan sa Mati ingon man sa suporta usab sa City Anti-Drug Abuse Council (CADAC) sa walay puas nga kooperasyon sa mga inisyatiba batok sa ilegal nga druga.
Kalabot niini. padayon usab ang pasalig sa kapulisan ngadto sa komunidad pinaagi sa ilang pagpasiugda sa mga programa nga nakatutok sa mga serbisyo, pagdisiplina ug intergridad alang sa kaluwasan sa publiko.
