Gimonitor sa Department of Finance (DOF) ang 1.7 porsiyento nga inflation rate nga natala niadtong Oktubre, ang ahensya nagpabiling mabinantayon sa posibleng mga hulga sa pagsaka sa presyo sa mga palaliton, apil na ang mga kalamidad og external market factors nga maka-apekto sa ekonomiya.
Matod ni Finance Secretary Ralph Recto, ang average year-to-date inflation nga 1.7% ubos sa economic managers’ target range nga 2.0% ngadto sa 4.0%.
Dugang pa ni Recto nga ang pagmintinar sa ubos nga inflation naghatag ug kahigayonan sa Bangko Sentral ng Pilipinas (BSP) sa pag-relax sa policy interest rates pag-usab aron sa pagpausbaw sa paggasto sa panimalay ug pagsuporta sa pagtubo sa ekonomiya.
Gipasabot usab sa kalihim nga kini maoy pruweba sa epektibong kooperasyon sa nagkalain-laing ahensya sa gobyerno aron mamintinar ang igong suplay sa pagkaon ug pagpaubos sa presyo sa mga nag-unang palaliton.
Photo Courtesy to:Inquirer.net
