Naundang ang negosyo sa usa ka lalaki human kini gikanta sa iyang Ex-girlfriend nga namaligya ug puting bato o mas nailhan nga shabu. Ang lalaki giila nga si alyas John, 22 anyos samtang naila usab ang ex gf niini nga si alyas Barbie.
Base sa report, daling naglusad ug search warrant operation ang mga awtoridad batok sa suspek og malampuson kining nasikop ug nakuha gikan sa dinakpan ang 22 ka sachet sa gituohang shabu nga gibana banaang mukantidad sa Php1.2 million pesos subay sa standard drug price niini.
Sa pagrekisa sa kapulisan, nasakmit usab ang tulo ka armas uban sa mga buhing bala. Gani, igo na lamang kini sa paghinuktok human nabulabog ang tinaugang gamay nga negosyo.
Kasamtangang gibalhog na ang suspetsado sa prisohan ug gikatakdang mag atubang ug kasong paglapas sa RA 9165 (Comprehensive Dangerous Drugs Act of 2002).
Sa pikas bahin, gikalipay usab sa Ex-girlfriend ang pagkasikop sa suspek ug matod pa kini ang iyang dakong balos human kini pasakiti ug maayu.
Photo for illustration credits to:Istock
