Gideklara sa panggamhanan sa Indonesia isip pambansang bayani ang namatay nga kanhing presidente nga si Suharto, bisan sa mga kontrobersiyal ug protesta kalabotan sa iyang pagpangabusar sa iyang pagdumala.
Gipangunahan ni Indonesian President Prabowo Subianto kagahapong adlawa,ang gipahigayon nga National Hero Award. Matod pa sa gobyerno, naila si Suharto tungod sa iyang dakong papel sa pag-angkon ug kagawasan sa ilang nasud niadtong tuig 1945.
Apan daghan ang nikontra lakip ang mga civil society groups ug Amnesty Indonesia, nga nagsulti nga gusto lamang nila pahumoton ang hulagway sa kanhing presidente.
Mokabat sa tunga ka milyon ang napatay sa iyang administrasyon dihang gikuha niini ang puwesto sa pagka presidente niadtong tuig 1965 ug sulod sa tulo ka dekada nga pagdumala sa ilang nasud tuig 1967 naglambo ang ekonomiya apan ang balos niini ang grabing torture sa katawhan sa lugar ug walay, kagawasan.
Diin gibansagan kini nga “Bapak Pembangunan” o Ama ng Kaunlaran tungod sa sa 7% kada tuig ang paglambo sa ekonomiya sa iyang panahon. Gipasidungog usab silang kanhing pangulong Abdurrahman Wahid (Gus Dur) ug labor activist Marsinah, nga parehong iladong kritiko sa iyang rehimen samtang uban nag-ingon nga gituuhang sila ang nagtaklob sa hugaw nga administrasyon.
Samtang nagpadayon ang gihimong welga sa tanan katawhan sa lugar gumikan sa maong pagdayeg.
Photo courtesy to:Nikkei Asia
