Mokabat sa dul-an $6 milyon o Php354 milyon ang United Nations aron matabangan ang kapin sa 400,000 ka mga Pilipino nga apektado sa Bagyong Fung-Wong o Super Typhoon Uwan.
Gimugna kini ubos sa anticipatory action framework sa UN, duha ka minuto human matuman ang mga kondisyon. Diin ang pondo gamiton sa lima ka ahensya sa UN sa paghatod sa pagkaon, puy-anan, serbisyong medikal, proteksyon, ug tubig.
Matod pa sa UN body, tumong niini nga maminusan ang kadaot nga gipahinabo sa bagyo taliwala sa aktibo nga panahon sa kalamidad sa nasud.
Gipaabot nga motaas pa ang matala nga kadaot tungod wala pa mohubas ang baha sa ubos nga mga dapit. Una niini, ubay-ubay usab nga mga lugar sa nasud ang nadaot sa bagyong Kalmaegi o Bagyong Tino.
Gituohan nga nakatabang ang sayo nga pagbakwit, rason gamay ra ang natala nga mga kaswalti.
Photo courtesy to:PNA
