Gipatilaw sa Golden State Warriors ang Indiana Pacers sa ikasiyam nilang sunodsunod nga kapildihan human nila gitambakan og 31 ka dagkong puntos ang defending champion sa Eastern Conference, sa score na 114-83.
Ang Pacers nakahimo pag-abante sa Warriors hangtod sa ikatulong kuwarter, dihang nabiyaan lang og diyes puntos ang GS sa wala pa ang final period sa duwa. Apan, ang GSW mihimo og 4th-quarter surge ug mibubo og 39 ka dagkong puntos sa kontra samtang gipugngan usab ang Indiana nga makamugna og maayong opensa.
Sa hinapos nga bahin, ang Pacers igo lang nakahatag og 18 puntos sulod sa 12 minutos nga duwa. Ang GSW nakahimo sa pagbira og laing daog bisan pa nga wala makaduwa ang superstar sa team nga si Stephen Curry. Hinuon, si Jimmy Butler maoy nangulo sa 2022 NBA champion ug mibubo og 21 puntos, 9 ka rebounds, ug pito ka assists sa tibuok duwa.
Samtang si rookie Will Richard mipakita na usab og impresibong performance, nga miiskor og 15 puntos sulod sa 19 minutos nga duwa sa hardcourt. Kini maoy ikaduhang panagtagbo sa duha ka teams karong season, diin ang Pacers maoy unang midaog, nga mao ang labing una ug bugtong daog sa Eastern Conference defending champion hangtod karon.
Sa kapildihan sa Pacers, ang shooter sa team nga si Andrew Nembhard nalimitahan sa 14 puntos, siyam ka assists, ug duha ka rebounds.
Photo courtesy to:NBA
