Gipakita sa China ngadto sa publiko ang ilang pinakabag-ong aircraft carrier nga gitawag og Fujian. Gipangunahan mismo ni Chinese President Xi Jinping ang seremonya sa pagkomisyon niini nga gipahigayon sa military port sa Sanya, nga nahimutang sa Hainan Island.
Ang Fujian mao ang ikatulo ug pinakabago nga aircraft carrier sa China. Kini adunay electromagnetic catapults nga makalansar og tulo ka klase sa mga eroplano.
Ang maong teknolohiya, nga nailhan nga Electromagnetic Aircraft Launch System (EMALS), kayang magpalupad og mga eroplano nga may bug-at nga armas ug daghang fuel load, aron makaigo sa malayong target. Sa pagkakaron, ang USS Gerald R. Ford sa Estados Unidos lamang ang laing aircraft carrier sa kalibutan nga adunay susamang sistema.
Ang Fujian unang gilunsad niadtong 2022 ug misugod sa paglayag niadtong 2024. Sumala sa mga opisyal, ang maong barko kayang makigkompetensya sa mga modernong barko pandigma sa US, ilabi na sa aspeto sa teknolohiya ug kapasidad sa gubat.
Photo Courtesy to:South China Morning Post
