Gipasalig sa Palasyo sa Malacañang nga ang gobyerno andam na alang sa bagyong Uwan. Sumala ni Communications Usec. Claire Castro, ang gobyerno nagpadala na og mga first responder sa mga probinsya nga posibleng maapektuhan sa bagyo aron dali nga makatubag sa mga panginahanglan.
Nagpadayon usab ang pag apod-apod sa tabang sa mga residente nga naapektuhan sa miaging bagyo, lakip na ang ₱760 milyon nga tabang pinansyal gikan sa Office of the President (OP). Gipasalig sa gobyerno nga motabang kini sa mga lugar nga grabeng naapektuhan sa Bagyong Tino, labi na ang Cebu, hangtod nga hingpit silang makabangon.
Sumala ni Usec. Castro, gipasiugda ni Presidente Marcos Jr. nga ang gobyerno dili mobiya sa Cebu hangtod nga ang tanan makabangon. Giseguro sa administrasyon ni Presidente Marcos Jr. nga ang tanan makadawat og tabang ug pag-atiman gikan sa bisan unsang bahin sa nasud.
Giingon ni PBBM nga gihimo nila ang tanan aron mapadali ang paghatud sa tabang sa mga naapektuhan sa bagyong Tino.
Photo Courtesy to:Inquirer.net
