Gisaulog sa Barangay Cabidianan,Nabunturan, ang ika-77th Araw sa Barangay nga gitambongan sa tanang opisyal sa barangay ug mga opisyales sa lokal nga pangagamhanan sa lungsod.
Atol sa selebrasyon, gibisita ug gihatagan sa makapadasig nga mensahe ni Mayor Myrocel Clarin-Balili ang mga lumulupyo sa maong barangay.
Sa iyang pakigpulong, gihisgutan sa inahan sa Lungsod ang dugay nang problema sa water system nga karon padayon na nga ginasugdan ug ginasolusyunan sa lokal nga Pnaggmhanan.
Gihangyo usab ni Mayor Balili ang katawhan sa Barangay Cabidianan nga magtinabangay ug magkahiusa aron makab-ot ang kalinaw ug kalamboan sa ilang komunidad.
Ang maong kalihukan nagpakita sa panaghiusa ug aktibong partisipasyon sa mga residente sa pagsaulog sa kasaysayan ug kalamboan sa ilang barangay.
